نازلیم

هم آی سؤنوبدو ، هم الدوز چیراغ - چیراغ  نازلیم

 آلا   گؤزوندن  ایراق   سئوگیلیم  ،  ایراغ   نازلیم

 گلنده   ،   ده    گونشی   پای   گتیرکی   ظولماتدیر

 و جانتاییمدادا – دای   یوخدو   بیر  چیراغ   نازلیم

هانی   باهار  هاوالی   سئرجه لر   ،    سیغیرچینلار

هانی  بو  باغچادا  باغدا  او  سس   سوراغ   نازلیم

 ساچیندا     سئودا     پریشانلیغین     گؤره     بیلمم

 قاییت – قاییت  یئنه  من  آینا  ،  من  داراغ   نازلیم

 تیکان   بیتیر   باخیشیمدان   آخی    علاجیم    یوخ

 کی    اللریم    آسیلیبدی   اوراغ  –  اوراغ     نازلیم

 باخیشلاریندا    بئشیکلنمیش   آل    گونشله   قاییت

هم  آی  سونوبدو ،هم  اولدوز چیراغ –چیراغ نازلیم        

 

 اونودولموش اوجاق!    

باخمایین  کی  اونودولموش  اوجاغیق  ،   آی ائللر

 داوا  درمان  دولوسو بور  –  بوجاغیق ،  آی ائللر!

 بیزی    سهمانلاماغا     بیرجه    خیالیز     یوخدور

 بو  پریشانلیغا   ساچلی   –   ساچاغیق  ،  آی ائللر!

 غفلت اؤلدورسه  بوگون ده  بیزی  ،   وآللاه  بیلیرم

 بیز   صاباح   بو   کفنی    ییرتاجاغیق    آی  ائللر!

 بیزی  زنجیر له مک اولماز، دلی  بیر کولگه   کیمی

 قاچانی   قووملی ،  قووساز   قاچاغیق ،   آی ائللر!

 بیزی    چوخدا    اوشاغا   –   آنلاماز     قییمایاسیز

 نه  قده ر پاسلی – کوت  اولساق  پیچاغیق  آی ائللر

 تاپماق  اؤیرنمه  میشیک – آنجاق  ایترمک بیلیریک

 بودیغال     دونیادا    گؤرنه    قوچاغیق     آی ائللر!

 آنام  اوخشاردی کی  " نادر"   بالامین  کول  گؤزونه

 اوبیلیرمیش     اونودولموش    اوجاغیق     آی ائللر!

 

/ 27 نظر / 79 بازدید
نمایش نظرات قبلی
باخچا

سلام گوزل شعرلریز و اوزللیک له غزللریز وار.باهار هاوالی سئرچه لر سیغیرچینلار دیله ییرسن جیققیلی باخچا-یا گل.[شوخی]

rahnama54.persianblog.ir

پس برای کتاب تبریز شهر کهن تاریخ (چاپ دوم با تغییرات و تکمله) به انتشارات اختر به آدرس تبریزـ اول خیابان طالقانی (تلفن 5555393 ـ0411) مراجعه نمایید. لطفاً کتاب تبریز شهر کهن تاریخ را به دوستانتان معرفی کنید. rahnama54.persianblog.ir توجه

عابباس

ساریلان آی سئوینر سیزین باخیشلارینیزی آلا بیله. یاشا

عابباس

ساریلان آیا باش وورساز یاخشی اولار.

عابباس

ساریلان آی سئوینر سیزین باخیشلارینیزی آلا بیله

مهدي كياني

حؤرمتلي قارداشيم نادر بي سيزله ايلگيلي اولدوغوما اؤركدن سئوينيرم اولو تانريم سيزي و عاييله نيزي اسيرگه سين. آخير آخديقجا قيزيل كاروانلار ياشاسين قارداش اولان اينسانار

مچمد سیمزاری

نادر موعللمه سالاملار اولسون ایندیجه اوز روحانی قارداشملا سنین گوزه ل شعیر لریوی اوخویوردوق سنی دویونجا آلقیشلاییب سنه دونیالار جا اوغورلار آرزیلادیق