تورپاغام

تورپاغام  ،  ائللرین  آغلار  آلایی    وار   منده

گؤزو   یاشلی   آرازی  ،  آرپا چایی  وار  منده

بایاتی   داغلی  سینمدن  اومانیم  ، قوی اومسون

بیر  چیچک  هر  دره نین  نغمه  پایی  وار منده

یایلیغیندان  ال  آتیب  دَرمَه میشم ....سئودیجه ییم

ائللرین   گوللو  یازی  ،  گوللو   پایی  وار  منده

بوکمه قورلو سسیمی بوخچا لار بوکمه ...قورون

ایلدیریم    آیناسییام  ،  اود    هارایی   وار   منده

شنگولوم !  قاچ  أوزونو  قورتار الیمدن  هله لیک

قورد  وار  منده ... منیم  نازلیم ! ...آیی  وار منده

جانیمی   یوللارا  سردیم  ،   گونش   آددیملا مادی

حسرتین    گورنه    دومانلی    دولایی    وار  منده

داماریمدا   قان  آغیر  آددیم   آتیر ....  نیلَه   مَله لی

ائللرین    بلکه    بوغولموش    سارایی    وار  منده

/ 59 نظر / 57 بازدید
نمایش نظرات قبلی
فروغ

اورمی گؤلی اورمی گؤلی قورودانین شیل اولسون یاتاق یاتسین هر بیر گونی ایل اولسون اللرده دورانسین قبری تیل اولسون وجودی باغ - باغچامیزا زیل اولسون کوراولسون گؤزلری ایشیق آلماسین ع آدی باتسین تاریخیمده قالماسین منیم تیلیم گئجه -گوندوز قان آغلار اوزون توتار داغ دره یه یان آغلار دریا دئییب هارای چکر جان آغلار خان تختینده سو آختاران خان آغلار تیلین دوشسون مین بیر دردی جانینا چیبان چیخ سین گؤزلرینه یانینا الو چکیر چؤل کؤشنی سوسوزدان آلاجاقدیر انتقامین قودوزدان قالمیری بیر باغی سالم اوتوزدان قورویوب باغچالار سپیلمیش دوزدان باعثی نین قاپّاجاسی یاپیلسین ناجاقینان قول بوداغی چاپیلسین اور

راهی

سلام لار اولسون . اجازه وینن زلزله شعیروی وبلاگیمدا گورسه تدیم . همیشه قلمین گوجلی ، باش اوجا یاشا

یاشار

سلام قلمیز یازار قالسین شاعیر! یولونوزو گؤزله ییرم

سعید فیوضات

چوخ ساغولون اوستاد داماریمدا قان آغیر آددیم آتیر .... نیلَه مَله لی ائللرین بلکه بوغولموش سارایی وار منده روحوموزو اوخشادینیز

عارف ساسانی

سلام با یه رباعی ترکی به روزم ومنتظر نظراتتون[گل]

حمزه

ساغ اولسون شهریمیزین اوغور قایناغی نادر الهی. وبلاگنزلا تانشمادان چوخ سویندیم.

احمد

سلاملار، ایلیمی بولمک اولانماز داها هیچ بیر زادلان اوره گیم بنزه ر اونا ، خیردا تایی وار منده یاشاسین- چوخ عالی

صفا حبیبی

هارداسوز استاد؟سیزون شعرلر بیزی سو کیمین سوندیریر

عافی

شعرهایت همیشه دلنشین و شنیدنیست