گون گونه قالاندی

.....گون گونه  قالاندی ، بیرگون  ده  ووردو

اوغول  آناسی نین  اوزونه  دوردو .........

سانکی   گؤی   گورلادی ، یئر   سیلکَه لَندی

آنانین       گوُز      یاشی     یئره    الندی

آنا   دؤشلرینی   الینه   آلدی ................

:"بالا امدییین سود  حارامین اولسون" .......

دئدی ........آمما   گوجلو   دییه   بیلمه دی

أوزوده   بیلمه دی   نیه .......... بیلمه دی.

اوغول    ائل    ایچینده    یامان     قیناندی

ائل  اونو  دانلادی ،  ائل  اونو  داندی .....

آنجاق    او    چیگنینی    یوخاری    آتدی

آجیغین    بیر    آجی    گولوشه      قاتدی

:قورو  سود  اَمیشم  منیم  باکیم  یوخ .....

دؤشونه      باشینا       قیییماز      آنالار

بئله   بیر  اودلاردا  گرگ   یانالار .......

 

 بیر  عَطیر

بیر  عَطیر ، بیرجه باخیش ، یاز هوسیم   وار  نیلیم

نانا   نرگیز  کیمی   بیر  آز   هوسیم    وار  نیلیم

باخمیرام   کی   داها   تویدا    آشیق   اویناتمیرلار

هله ده   سؤز   هوسیم ، ساز   هوسیم   وار   نیلیم

گؤلَه  دؤنسم ، بیر  ایکی  جیرانا   حسرت   چکیرم

گؤله  دؤنسم ،بیر  ایکی   قاز   هوسیم   وار   نیلیم

آلما  آتماق هوسیم  یوخ ....."هَه" دئمه  سئودیجه ییم

"یوخ"  دِء   سندن  هَلَه ده  ناز  هوسیم  وار   نیلیم

بالتا  قارداش! بیر آز  ال  ساخلا   یامان  داشلانیرام

آخی   سالخیم   سؤیودَم ، یاز   هوسیم    وار   نیلیم

 

عزیز بیلدیگینی ، ایی بیلدیگینی

............عزیز بیلدیگینی ، ایی بیلدیگینی

ائوده    بیربیر    سئچیر   قویور   قیراغا

دونن       چیخارتمیشدی      بیلرزیگینی

ایندی ده   خالچانی   لوله له ییبدی .......

نیلسین .... بالاما   دَه یَن   ده ییبدی .....

دییرم   قوی  سؤزون  آغزین  یان  سالیم

:قیزیم! ائو   توکورسن ؟ نه    خبریندی؟

آی   بالا   بایراما   یازا   قالیرکی .....

باخیرام ...........باخیشی    اله دریندی

ینه  نذیر  نیاز  سؤزون  سالیر کی .....

آتام  گله گله  بونو  مچیده  ساللیق ......

آی  انا ! سونرادان  اؤزوموز  آللیق ...

اله    یالواریر کی   کؤز کؤز   یانیرام

ایچیمدن    اود     توتوب    آلوولانیرام

گونده کی     دئدیگی     نذیر    نیازدی.

دئدیکجه  دییر بس  دئدیگی  آزدی ......

             ***

آی   کئچیب ، ایل   کئچیب ..........

همان هماندی

ایندی ده  چیخاریب   بویون   باغینی.

آماندی آی دوشمن ، آی  دوست آماندی

بالام  چکه بیلیر  آتا  داغینی ........

 

دییرلر   هاودا 

دییرلر   هاودا   سس   اؤلمز   قالیر

گؤرون   طبیعتین   بیر  مُعجیزه سین

بوگونکو    عالیم لر    هاوادان   آلیر

داود  پیغمبرین  نئی نین  سسین ......

یعنی     بوگونکولر  ،   دونئکی لرین

سسینی    ائشیدیر    دریندن     درین

                ***

مَلَه مَه  کامانیم   ،   مَلَه مَه    تاریم

دردینی  غمینی  هئچ   کیم   بیلمه ییر

بوخچا   بوکولسون   های هارایلاریم

سس لر  أوز  واختیندا ! اِئشیدیلمه ییر

/ 55 نظر / 72 بازدید
نمایش نظرات قبلی
اویقار

سلام یئنی بیرشئعیرسیزه گؤنده ریرم.ینه ده باش چکین قانادلی بیر قوش حبس اولوب اؤز ایچینده اینسانلار اوزوندن سئوگی وئریب ساتین آلماق ایسته ییرم اونو سونرا بالکونا چیخیب قولتوغومدا اوتوروب قولاقلارینا «آزاد یاشا» اوخویار کن تاپشیراجاغام گؤیه --- هاوا آلیب شئعیر بیراخاجاغام هاوایا و سئوینجدن گؤز یاشی دؤکرکن گؤی قورشاغینی سئیر ائده جه یم سس سیز- سمیر سیز اولورسا منی ده لینک ائله یین اوغورلار بو وبلاگلاردا دا منیم شعیرلریمیندی اوخویون uygar.blogfa.com uygarsezgir.blogfa.com

آیدین آیقار

سالاملار ائللر سئوگیسی اولان بویوک اینسانا ایللر چالیشدیمسا بیر میصراع شئعیرین اولمادیم استاد. یاشا وطن یاشاسین کونوللرده یاشا.

متحیر

یارا چاتدیقجا سوزوم سوز اوخشادی من آغلادیم کول اولان سئـودامیزا کو زاوخشادی من آغلادیم! دره لــردن بـــاج آلارکـــن داغـی میز گــــونش دولوب قاش قارالدیقدا آی- اولدوز اوخشادی من آغلادیم دیزه چوکموش کونوله دیل توکوب هئی سانجی لاریم یاش الیند ه ن اتـه یه گـــوز اوخشادی من آغلادیم گئجــه واختی کوچــری قوشلاری قایتــاردی آهیـــم قوندولار تو پراغیما " تــــوز" اوخشادی من آغلادیم له له دیم اوچـــون گئدین بـــوردا نـه وار گـــوزل لریم ؟ آند ایچـر کن چـــوره یه دوز اوخشادی من آغلادیم

دارانلی

سالام لار اوستاد هر زامان سیزی اوخویورام وهر زامان قزللرینیزدن سئوینیرم و اولدوقجا یارارلانیرام شئعیرلرینیز جانا یاتاندیر سیزه داها اوغورلار[گل][گل][گل][گل][گل][گل][گل][گل][گل]

م.ائلیاز

سلاملار نادیر قارداش یئنی ایلین یاشیل، آ کیشی گوزه ل شئعیرلرین یامان کئفله ندیریر آدامی، اللرین وار آغزین باللی منه ده باش چک سایقی لاریملا_ م.ائلیاز[گل]

شهریار جمهری

هم نفس بودن در عصر زندگی شما برای ما هدیهای است از سوی خدای مهربان و به خاطر ای خدای را هزار بار در روز شکر میکنم