زلزله

یئر تیتره دی، داغلار داشلار     لاخلادی

سن ده  تیتره، سن ده  لاخلا،  آقارداش

بیز یوباندوخ....... اؤلوم  سنی  یوخلادی

چیی کرپیچ له، چیی سوواقلا، آقارداش

 

طالع     طالع    ییخیلان     دامداشیندی

اورموگولو،  قوروچای   گؤز      یاشیندی

گؤرورسن کی    اؤز الین   اؤز باشیندی

اؤز یارانی      اؤزون باغلا،       آقارداش

 

گؤز آچاندان    اونا بونا    آغلادین

یاغا  یاغا،      یانا یانا      آغلادین

آتا آتا،            آنا آنا        آغلادین

اؤزونه ده  بیرگون آغلا، آقارداش

 

بو قونشونون     اویما  یالان     فیتینه

بویانماسین    قوی کورکوموز   بیتینه

او توی   توتسون   پیشیگینه     ایتینه

سن یاسینی  اؤزون ساخلا،  آقارداش

 

یاسا     چاغیر    اردبیلی     موغانی

ناله نی،    شووه نی،   آهی   فغانی

غریب   اؤله ن    هریسی     ورزقانی

اؤزون اوخشا،   اؤزون آغلا،   آقارداش

 

 زلزله         

بایاق آجیقلانیب طیفیل    اوشاغا

تاپیم گویلون آلیم، دئیب تله سیر

آراییر،    آختاریر      باشی آشاغا

ال لری  تیتره ییر، اوره گی  اسیر

 

هله  بیرآزداگئی  بو  کوهنه لری

بایراما چوخ قالیر،  نه خبریندی؟

بایاق  آجیقلانیب، بایاقدان  بری

اومیدی  دایازدی  غمی  دریندی

 

آراییر    آختاریر، یادینا    دوشور

نازلانا نازلانا کوسوب قاشماغی

تورپاغی آریدیر   تورپاغی ائشیر

تورپاغدان تاپیلر بیرتای باشماغی

 

بالاتک   باشماغی      باغرینا       باسیر

مله ییر       بولوت تک   او،        یاغا یاغا

چشمه  قولاغ  آسیر  چای  قولاغ  آسیر

سس دوشور دره یه، سس دوشور داغا

 

کوسولو    بنوشه م!   یارالی  لالام!

من  بایرام  هوسلی  نه تهر   قالیم!

گل تزه سین آللام ،  گل نازلی بالام

کوهنه باشماغی نین قاداسین آلیم.....

/ 60 نظر / 96 بازدید
نمایش نظرات قبلی
حمزه

نه قدر نیسگیللی. گوزوم دولدو. گوزلرین دولماسن

تراوش

سلام و عرض ادب محضر معلم عزيزم با غزل دريا بروزم و منتظر نقد ونظر ارزشمندشما

تراوش

سلام و عرض ادب: با غزل "سرود باد" حضور سر سبزت را به انتظارم.امیدوارم با اندیشه ی ناب و اظهار نظر ارزشمندخود تراوش مرا زلال تر كني.

احمد درگاهی

[گل]http://dargahiabasloo2.blogfa.com/سلام استاد بزرگوار چوخ گوزل دیر یولوزی گوزلییریخ

میلاد

سلام استاد موفق اولاسوز همیشه

سلمان عبدی زاده

سلاملار عزیز قارداشیم گوزل شعرینیزی اوخودوم یاشییاسوز .اللرینیزه ساغلیق . من سیزی ایفتیخارلا باغلانتیلاریما باغلادیم . چوخ ساغ اولاسوز[گل]

سلمان عبدی زاده

سلاملار عزیز قارداشیم گوزل شعرینیزی اوخودوم یاشییاسوز . اللرینیزه ساغلیق . من سیزی باغلانتلاریما یازدیم ساغ اولاسوز[گل]

سلمان عبدی زاده

سلاملار عزیز دوستیما .هرواختینیز خیر اولسون قارداش .بیر بالاجا اورگ سوزیله یئنی لنمیشم. یاشییاسوز [گل]

صابر عبادی

سالاملار . نادر موعللیم.عومروز اوزون اولسون گوزل شعیرلریزدن گوزل ایلهام آلیرام .سیزه جاه ساغلیغی آرزیلیرام...